ဢမႄႇရိၵၢၼ်ႇ ၶဝ်ႈတိုၵ်းဢီႇရၢၼ်းယဝ်ႉ

ဝၼ်းဢႃးတိတ်ႉ၊ ၸုၼ်ႇ 22၊ 2025 

ၸွမ်ပွင်ၸိုင်ႈ ထရမ်ႉ ပႂ်ႉတူၺ်းသၢႆငၢႆ တီႈၼႂ်း ႁွင်ႈသၢႆငၢႆ

ၽွင်းမိူဝ်ႈ ႁႅင်းၽႆးသိုၵ်း ဢီႇရၢၼ်း လႄႈ ဢိတ်ႇသရေး တိုၵ်ႉလုၵ်ႉႁႅင်းယူႇၼၼ်ႉ ၸွမ်ပွင်ၸိုင်ႈဢမႄႇရိၵၢၼ်ႇ တေႃႇၼႄႇထရမ်ႉလၢတ်ႈဝႃႈ ၶဝ်ဢဝ်ႁိူဝ်းမိၼ် ၶဝ်ႈတိုၵ်းလႅဝ်ပႅတ်ႈ ဢွင်ႈတီႈၼိဝ်ႇၶလီးယႃး ဢီႇရၢၼ်း သၢမ်တီႈ ၼႆယဝ်ႉ။

ၸွမ်ပွင်ၸိုင်ႈဢမႄႇရိၵၢၼ်ႇ လၢတ်ႈၼိူဝ်ငဝ်းႁၢင်ႈသဵင်ဝႃႈ "ပဝ်ႉမၢႆတႃႇယိုဝ်း တိုၵ်ႉၵိုတ်းတင်းၼမ်ယူႇၼႆ ယႃႇလိုမ်း၊ ယၢမ်းလဵဝ် တႃႇၶဝ်ၼၼ်ႉ ၶမ်ႈၼႆႉ ပဵၼ်ဢၼ်ယၢပ်ႇသေပိူၼ်ႈ၊ ပဵၼ်လွင်ႈ ၸၢင်ႈၸမ်တၢႆၵွၼ်ႇ" ၼႆယဝ်ႉ။

"ၵူၺ်းၵႃႈ သင်ဝႃႈ လွင်ႈငမ်းယဵၼ်ၼၼ်ႉ ဢမ်ႇပဵၼ်မႃး ၽႂ်းၽႂ်းၸိုင် ၸိူဝ်းပဝ်ႉမၢႆဢၼ်ၵိုတ်းၼၼ်ႉ တေလႆႈယိုဝ်းႁၢဝ်ႈႁႅင်း တႅတ်ႈၼႅတ်ႈယူႇ" ဝႃႈၼႆသေ ၵၢႆႇႁႃမိပ်ႇတူၺ်း ႁႂ်ႈဢီႇရၢၼ်း မွၵ်ႇလၢတ်ႈမႃး လွင်ႈငမ်းယဵၼ်ယူႇ။

ပဝ်ႉမၢႆလူင် ဢၼ်လမ်ႇလွင်ႈသေပိူၼ်ႈတႄႉ ပဵၼ်ဢွင်ႈတီႈ ယိူင်းဢၢၼ်းၼိဝ်ႇၶလီးယႃး ၶွင်ဢီႇရၢၼ်း ၾူဝ်ႇတူဝ်ႇ Fordo ဢၼ်မီးၼႂ်းတႂ်ႈလွႆ တီႈၵႆၵႆၼၼ်ႉယဝ်ႉ။ ပၢင်တိုၵ်းပွၵ်ႈၼႆႉ ၽူႈမီးပုၼ်ႈၽွၼ်း ၽၢႆႇဢိတ်ႇသရေးၶဝ်လၢတ်ႈဝႃႈ ၶဝ်ၵေႃႈ ႁူမ်ႈႁွမ်းၸွႆႈထႅမ် တဵမ်တဵမ်ထူၼ်ႈထူၼ်ႈယူႇ ၼႆယဝ်ႉ။ လွင်ႈလူႉလႅဝ် မီးတၢၼ်ႇႁိုဝ် ၼႆတႄႉ ပႆႇလႆႈႁူႉတႅတ်ႈတေႃး။

ႁွင်ႈၵၢၼ်ၽၢႆႇၼွၵ်ႈမိူင်း ဢီႇရၢၼ်: လၢတ်ႈဝႃႈ ဢမႄႇရိၵၢၼ်ႇ တႄႇႁဵတ်း “ပၢင်တိုၵ်း ဢၼ်မီးၽေးၶဵၼ် တေႃႇ ဢီႇရၢၼ်း” ဢၼ်ယိုဝ်းသႂ်ႇ ႁူင်းၵၢၼ် ၼိဝ်ႇၵလီးယႃး မိူဝ်ႈဝၼ်းဢႃးတိတ်ႉၼၼ်ႉ ၼႆယဝ်ႉ။

ၼႂ်းၶေႃႈပိုၼ်ၽၢဝ်ႇ ႁွင်ႈၵၢၼ်ၽွင်းလူင်ၼၼ်ႉ လၢတ်ႈဝႃႈ “လုမ်ႈၾႃႉ ဢမ်ႇထုၵ်ႇလီလိုမ်းဝႃႈ ၼႂ်းၵႄႈ ၵၢၼ်မိူင်းၼၼ်ႉ ဢမႄႇရိၵၢၼ်ႇ ပဵၼ်ဢၼ်ၽိတ်းပိူင်ႈ ၵၢၼ်မိူင်းၼၼ်ႉ” ၼႆယဝ်ႉ။ ၼႂ်းၶေႃႈပိုၼ်ၽၢဝ်ႇၼၼ်ႉ လၢတ်ႈဝႃႈ ဢိတ်ႇသရေးၼႆႉ ပဵၼ် “ၽူႈၶႃႈႁႅမ်ၶိူဝ်းၵူၼ်း လႄႈ ဢမ်ႇမီးမၢႆမီႈ” ၼႆသေ ၼႄးဝႃႈ ဢမႄႇရိၵၢၼ်ႇ ပိုတ်ႇပၢင်တိုၵ်း “ဢၼ်မီးၽေးၶဵၼ် တေႃႇ ဢီႇရၢၼ်း” ၼႆယဝ်ႉ။

လွင်ႈဢၼ် ႁဵတ်းလွင်ႈႁၢႆႉၸႃႉ ၸိူင်ႉၼႆၼႆႉ ပဵၼ်လွင်ႈပူၼ်ႉပႅၼ် ပိူင်ငဝ်ႈပိုင်းမိူင်း UN လႄႈ မၢႆမီႈ ၸၼ်ႉလုမ်ႈၾႃႉ ၼႆသေ လူင်ပွင်ၸိုင်ႈ ဢမႄႇရိၵၢၼ်ႇ “တေလႆႈဢဝ်ပုၼ်ႈၽွၼ်း တဵမ်ထူၼ်ႈ တႃႇၽွၼ်းႁၢႆႉၸႃႉ လႄႈ ၽွၼ်းႁၢႆႉၸႃႉ ဢၼ်တေပဵၼ်မႃး ယွၼ်ႉ လွင်ႈႁၢႆႉၸႃႉ ဢၼ်ၼႆႉ” ၼႆယဝ်ႉ။

ဢီႇရၢၵ်ႈ ပၼ်ၾၢင်ႉဝႃႈ လွင်ႈဢၼ် ဢမႄႇရိၵၢၼ်ႇ ယိုဝ်းသႂ်ႇ ႁူင်းၵၢၼ် ၼိဝ်ႇၵလီးယႃး ဢီႇရၢၼ်းၼၼ်ႉ တေပဵၼ်လွင်ႈလွၵ်ႇငိူၼ်ႈ တႃႇလွင်ႈၼိမ်သဝ်း ပွတ်းဢွၵ်ႇတွၼ်ႈၵၢင် ဝႃႈၼႆယဝ်ႉ။

ငိူၼ်ႈငဝ်ႈၶၢဝ်ႇ

• Thomas Mackintosh & Nadine Yousif. "What we know about US strikes on Iran's nuclear facilities" — BBC News, JUNE 22, 2025
• Jessie Yeung and Rhea Mogul. "Iran warns US strikes will have ‘everlasting consequences’ as Trump says nuclear sites ‘obliterated’" — CNN, JUNE 22, 2025
• SAM MEDNICK, AAMER MADHANI and DAVID RISING. "US inserts itself into Israel’s war with Iran, striking 3 Iranian nuclear sites" — AP News, JUNE 22, 2025
• Matt Spetalnick. "Strikes on Iran mark Trump's biggest, and riskiest, foreign policy gamble" — Reuters, JUNE 22, 2025