Jump to content

လွင်ႈဢိုတ်းႁပ်းမႂ်ႇ ၼိူဝ်ၵၢၼ်ပၢႆးမၢၵ်ႈမီး ၼမ်ႉမၼ်းမဵၼ် မိူင်းဢီႇရၢၼ်း

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းသုၵ်း၊ ၾႅပ်ႇဝႃႇရီႇ 7၊ 2025

တိူၵ်ႈႁွင်ႈၵၢၼ်ၽၢႆႇငိုၼ်းတွင်း ဢမႄႇရိၵၢၼ်ႇ

ႁွင်ႈၵၢၼ်ၽၢႆႇငိုၼ်းတွင်း ဢမႄႇရိၵၢၼ်ႇ ပိုၼ်ၽၢဝ်ႇ လွင်ႈတတ်းမၵ်းမႂ်ႇ ၼိူဝ် ၵၢၼ်ပၢႆးမၢၵ်ႈမီး ၼမ်ႉမၼ်းမဵၼ် ဢီႇရၢၼ်း မိူဝ်ႈဝၼ်းၽတ်းၼၼ်ႉသေ ယိူင်းၸူး ၼႅတ်ႉဝွၵ်ႉ ၸၼ်ႉၵူႈမိူင်းမိူင်း ၸိူဝ်းႁဵတ်းၵၢၼ် တႃႇ ဢီႇရၢၼ်း ဢၼ်သူင်ႇၼမ်ႉမၼ်းမဵၼ် ၸူးမိူင်းၶႄႇၼၼ်ႉယဝ်ႉ။

လုမ်းၵုမ်းၵမ် ၶူဝ်းၶွင်ၼွၵ်ႈမိူင်း ႁွင်ႈၵၢၼ်ၽၢႆႇငိုၼ်း မိူင်းဢမႄႇရိၵၢၼ်ႇ ပိုၼ်ၽၢဝ်ႇဝႃႈ လွင်ႈတတ်းမၵ်းၼႆႉ ယိူင်းၸူး ၶွမ်ႇပၼီႇ Sepehr Energy ဢၼ်ၵုမ်းၵမ် ၵၢၼ်သူင်ႇဢွၵ်ႇ ၼမ်ႉမၼ်းမဵၼ် တႃႇတပ်ႉသိုၵ်းဢီႇရၢၼ်ႇ (AFGS) ၼႆယဝ်ႉ။ ၼႂ်းၸိူဝ်းဢၼ်ၺႃးတူတ်ႈတၢမ်ႇယူႇယၢမ်းလဵဝ်ၼႆႉ ၶဝ်ႈပႃး မိူၼ်ၼင်ႇၵူၼ်းၵေႃႉလႂ်ၵေႃႉၼၼ်ႉ၊ ၵၢၼ်ပၢႆးမၢၵ်ႈမီး လႄႈ ႁိူဝ်းတၢင်ႇၵုၼ်ႇတင်းၼမ် တီႈမိူင်းၶႄႇ၊ မိူင်းဢိၼ်းတီးယႃး လႄႈ မိူင်းႁူမ်ႈတုမ်ၸဝ်ႈၾႃႉဢႃႇရပ်ႉ (UAE)၊ ၼၼ်ႉယဝ်ႉ။

ႁွင်ႈၵၢၼ်ၽၢႆႇငိုၼ်းတွင်း ဢမႄႇရိၵၢၼ်ႇ လၢတ်ႈဝႃႈ ၶွမ်ႇပၼီႇ Zipaira Energy လႄႈ ၸုမ်းဢၼ်ၵပ်းၵၢႆႇၵၼ် ဢၼ်ႁဵတ်းၵၢၼ် ၽၢႆႇတႂ်ႈၸုမ်း AFGS ဢီႇရၢၼ်းၼၼ်ႉ ၸႂ်ႉတိုဝ်းလွၵ်းလၢႆး ဢၼ်လႅၼ် လႄႈ ဢၼ်ဢမ်ႇၸွမ်းမၢႆမီႈ ပႃးၸဵမ် လွင်ႈႁဵတ်းၽိုၼ်လိၵ်ႈပွမ် ၵၢၼ်တေႃႉသူင်ႇ ႁိူဝ်းသၢင်းၽေႃးသေ ႁူမ်ႇတူမ်းဝႆႉဝႃႈ ယႃႇႁႂ်ႈႁူႉၸွမ်း လွင်ႈဝႃႈၼမ်ႉမၼ်းမဵၼ်ၼႆႉ လုၵ်ႉတီႈ ဢီႇရၢၼ်းမႃးၼႆသေ ဢဝ်ၼမ်ႉမၼ်းမဵၼ်ၼၼ်ႉ ၵႃႉၶၢႆႇၸွမ်း ၸိုင်ႈမိူင်းၼႂ်ႈလုမ်ႈၾႃႉ ပႃးၸဵမ် မိူင်းၶႄႇ ဝႃႈၼႆယဝ်ႉ။

လုမ်းၵုမ်းၵမ် ၶူဝ်းၶွင်ၼွၵ်ႈမိူင်း ႁွင်ႈၵၢၼ်ၽၢႆႇငိုၼ်းတွင်း ဢမႄႇရိၵၢၼ်ႇ လၢတ်ႈဝႃႈ ဢီႇရၢၼ်းၼႆႉ ငိုၼ်းၸိူဝ်းဢၼ်လႆႈမႃးတီႈ ၵၢၼ်ၶၢႆ ဢၼ်ဢမ်ႇၸွမ်းမၢႆမီႈၸိူဝ်း ၼိုင်ႈပီလႂ် မီးၵႃႈၶၼ် ဢၢၼ်ႇႁူဝ်ႁဵင်လၢၼ်ႉတေႃႇလႃႇသေ ဢဝ်ၵမ်ႉထႅမ်ပၼ် ၸုမ်းၵေႃႇၵၢၼ်ႁၢႆႉ ၼႂ်းပိုၼ်ႉတီႈ ၸိူဝ်းပဵၼ် ၸုမ်းႁမၢသ်ႉ၊ ၸုမ်းႁူႇတီႇ ​လႄႈ ၸုမ်ႈ ႁႅသ်ႉပူဝ်းလႃႇ သေ ႁဵတ်းႁႂ်ႈပိုၼ်ႉတီႈ ဢမ်ႇၼိမ်သဝ်း ၼႆယဝ်ႉ။

ၵဵဝ်ႇၵပ်းလွင်ႈၼႆႉသေ သိုဝ်ႇၶၢဝ်ႇ Reuters ၵပ်းသိုပ်ႇ တွင်ႈထၢမ် တီႈလုမ်း UN မိူင်းဢီႇရၢၼ်းသေတႃႉ ဢမ်ႇတွပ်ႇလၢတ်ႈသင်မႃး။

ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=လွင်ႈဢိုတ်းႁပ်းမႂ်ႇ_ၼိူဝ်ၵၢၼ်ပၢႆးမၢၵ်ႈမီး_ၼမ်ႉမၼ်းမဵၼ်_မိူင်းဢီႇရၢၼ်း&oldid=10829"