Jump to content

လွင်ႈတႅၵ်ႇလူင် တီႈတႃႈႁိူဝ်း မိူင်းဢီႇရၢၼ်း ၵူၼ်းတၢႆ 28 ၵေႃႉ မၢတ်ႇၸဵပ်း ၼပ်ႉႁူဝ်ပၢၵ်ႇ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းဢႃးတိတ်ႉ၊ ဢေႇပရႄႇ 27၊ 2025

လွင်ႈတႅၵ်ႇလူင် တီႈတႃႈႁိူဝ်း မိူင်းဢီႇရၢၼ်း

သိုဝ်ႇၶၢဝ်ႇ မိူင်းဢီႇရၢၼ်း ပွတ်းႁွင်ႇ လၢတ်ႈဝႃႈ ယွၼ်ႉလွင်ႈတႅၵ်ႇလူင် တီႈတႃႈႁိူဝ်း Bandar Abbas မိူင်းဢီႇရၢၼ်း ပွတ်းၸၢၼ်းလႄႈ ၵူၼ်းတၢႆ 28 ၵေႃႉ မၢတ်ႇၸဵပ်း 800 ၵေႃႉ ၼႆယဝ်ႉ။

ၸွမ်းၼင်ႇ ၶႅပ်းႁၢင်ႈ ဢၼ် CNN ၶဝ် ၼႄဝႆႉၼၼ်ႉသေ ၽၢႆႇလူင်ပွင်ၸိုင်ႈ လၢတ်ႈဝႃႈ လွင်ႈတႅၵ်ႇၼႆႉ ၸၢင်ႈပဵၼ် ယွၼ်ႉ ၶူဝ်းၶွင်ထၢတ်ႈ ဢၼ်သိမ်းဝႆႉ တီႈတႃႈႁိူဝ်း Shahid Rajaee ၼၼ်ႉ ၼႆယဝ်ႉ။

ၽွင်းလူင်ၽၢႆႇၼႂ်းမိူင်း ဢီႇရၢၼ်ႇ Eskandar Momeni လၢတ်ႈဝႃႈ ပိၵ်ႉသမ်ႉဝႃႈ မီးၶဵင်ႇတႃႉဢၼ်လူမ်းထွင်းႁႅင်းၼၼ်ႉယူႇသေတႃႉ ၵူၼ်းၶႄၾႆးၶဝ် တိုၵ်ႉသိုပ်ႇႁဵတ်းၵၢၼ် တႃႇတေၶႄၾႆးယူႇသေ ၵူၼ်းဢၼ်ႁၢႆလၢႆဝႆႉ မီး 6 ၵေႃႉ ၼႆယဝ်ႉ။

လွင်ႈတၢင်းဢၼ်ပဵၼ် လွင်ႈတႅၵ်ႇၼၼ်ႉတႄႉ ပႆႇလၢတ်ႈၼႄသင်။ ၽူႈတၢင်လၢတ်ႈ လူင်ပွင်ၸိုင်ႈ ဢၼ်ပဵၼ် Fatemeh Mohajerani လၢတ်ႈဝႃႈ တႃႇတေႁူႉလႆႈ လွင်ႈတၢင်းမၼ်းၼၼ်ႉ တေလႆႈၸႂ်ႉၶၢဝ်းယၢမ်း ၵမ်ႈၽွင်ႈယူႇ “ၵူၺ်းၵႃႈ တေႃႇထိုင်ယၢမ်းလဵဝ် ဢၼ်လႆႈႁူႉမႃးတႄႉ ပဵၼ်တိူၵ်ႈဢၼ်သိမ်းဝႆႉ တီႈတႃႈႁိူဝ်း ဢၼ်ၸၢင်ႈပႃးထၢတ်ႈၶေႇမီႇၵႄႇလ် ဢၼ်တႅၵ်ႇမႃးၼၼ်ႉယူႇ” ၼႆယဝ်ႉ။

မၼ်းၼၢင်းသိုပ်ႇလၢတ်ႈဝႃႈ “ၵူၺ်းၵႃႈဝႃး ပေႃးႁၢၼ်ႉတေႃႇထိုင် ၾႆးမွတ်ႇၵႂႃႇၼၼ်ႉၼႆ တႃႇတေႁူႉလႆႈ လွင်ႈတၢင်းမၼ်းၼၼ်ႉ မၼ်းတေယၢပ်ႇယူႇ” ၼႆယဝ်ႉ။

ၶွမ်ႇပၼီႇ ဢီႇရၢၼ်း ဢၼ်ႁဵတ်းဢွၵ်ႇ ၼမ်ႉမၼ်းမဵၼ် လႄႈ ၸႅၵ်ႇၽႄ ၼမ်ႉမၼ်းမဵၼ် ၸိူဝ်ႉၸၢတ်ႈ ဢီႇရၢၼ်း လၢတ်ႈဝႃႈ လွင်ႈဢၼ်တႅၵ်ႇ တီႈတႃႈႁိူဝ်းၼၼ်ႉ ဢမ်ႇၵဵဝ်ႇၵပ်း ႁူင်းၸၢၵ်ႈ ႁဵတ်းဢွၵ်ႇ ၼမ်ႉမၼ်းမဵၼ်၊ လွင်ႈၼႆႉ ပဵၼ်ဝၢႆးသေ သိုဝ်ႇၶၢဝ်ႇ ဢၼ်ပဵၼ်တၢင်းၵၢၼ် ဢီႇရၢၼ်းၶဝ် ပိုၼ်ၽၢဝ်ႇဝႃႈ ဝၢႆးသေ ၵႃးတၢင်ႇၼမ်ႉမၼ်း တီႈတႃႈႁိူဝ်းၼၼ်ႉ လႆႈတႅၵ်ႇၵႂႃႇ ဢမ်ႇႁူႉလူၺ်ႈလွင်ႈတၢင်းမၼ်း” ၼႆယဝ်ႉ။

လွင်ႈၼႆႉ ႁဵတ်းႁႂ်ႈ ၸဝ်ႈၼႃႈတီႈ ဢီႇရၢၼ်းၶဝ် ပိုၼ်ၽၢဝ်ႇ ငဝ်းလၢႆးၶိုၵ်ႉၶၵ်ႉ တီႈဝဵင်း ပၼ်ႇတႃႇဢႃႇပၢတ်ႉ တႃႇႁူမ်ႇလူမ်ႈ ၵူၼ်းမိူင်း ၽွင်းမိူဝ်ႈ “လူမ်းဢမ်ႇမူတ်းသႂ် ၼမ်မႃး ႁၢဝ်ႈႁႅင်း” ၼႆယဝ်ႉ။

ထၢၼ်ၽွင်းလူင် ၵၢၼ်ပၢႆးယူႇလီ လႆႈႁွင်ႉဢဝ် ၸုမ်းပၢႆးယူႇလီၶဝ်သေ ႁဵတ်းသၢင်ႈ လွၵ်းလၢႆးၶိုၵ်ႉၶၵ်ႉ တႃႇၵႅတ်ႇၶႄႁႄႉၵင်ႈ ပၢႆးယူႇလီၵူၼ်းမိူင်း ၼႆယဝ်ႉ။ ၵူၼ်းမိူင်း ႁႂ်ႈယူႇၼႂ်းႁိူၼ်း ဝႄႈလွင်ႈတူင်ႉၼိုင် တၢင်းၼွၵ်ႈ လႄႈ ႁႂ်ႈဢိုတ်းၽၵ်းတူႁူးလႅင်း ၼႆ သိုဝ်ႇၶၢဝ်ႇ ဢီႇရၢၼ်း ဢၼ်ပဵၼ်တၢင်းၵၢၼ် ဢွၵ်ႇၶၢဝ်ႇဝႆႉၼင်ႇၼႆ။

ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=လွင်ႈတႅၵ်ႇလူင်_တီႈတႃႈႁိူဝ်း_မိူင်းဢီႇရၢၼ်း_ၵူၼ်းတၢႆ_28_ၵေႃႉ_မၢတ်ႇၸဵပ်း_ၼပ်ႉႁူဝ်ပၢၵ်ႇ&oldid=11540"