လုၵ်ႈၸဝ်ႈႁေႃၶမ်းၵဝ်ႇၶျႃး (ဢီႇရၢၼ်း) တိုၵ်းသူၼ်းႁႂ်ႈသိမ်းၵၢင်ဝဵင်း

ဝၼ်းဢႃးတိတ်ႉ၊ ၸၼ်ႇဝႃႇရီႇ 11၊ 2026

တီႈမိူင်းဢီႇရၢၼ်းၼၼ်ႉ ယွၼ်ႉပိူဝ်ႈ ၶၼ်ၵုၼ်ႇၶိုၼ်ႈသုင်ႁႅင်း ၵူၼ်းၽၢၼ် ၵူၼ်းပၢၼ်ၵၢင် ႁႃၵိၼ်ယၢပ်ႇလႄႈ ၵူၼ်းမိူင်း ဢွၼ်ၵၼ်လုၵ်ႉႁိုၼ်ႇၼႄၵၢင်ၸႂ်မႃးသေ လုၵ်ႈၸဝ်ႈႁေႃၶမ်းၵဝ်ႇၶျႃး ယူႇတီႈမိူင်းဢမေႇရိၵၢၼ်ႇသေ ပၼ်ၶေႃႈတိုၵ်းသူၼ်းမႃးဝႃႈ ႁႂ်ႈသိမ်းဝႆႉ ၵၢင်ဝဵင်းၼႆယဝ်ႉ။ မၼ်းၸၢႆးရီႇၸႃႇပႃႇလဝီႇ တုၵ်းယွၼ်းဝႃႈ ဝၼ်းသဝ် ဝတ်းတိတ်ႉ ႁႂ်ႈသိုပ်ႇတိူဝ်းၼႄၵၢင်ၸႂ်ထႅင်ႈၼႆသေ တူဝ်မၼ်းၸၢႆးၵေႃႈ လၢတ်ႈဝႃႈ မၼ်းႁၢင်ႈႁႅၼ်းဝႆႉ တႃႇတေမႃးၼႂ်းမိူင်းၼႆယဝ်ႉ။ ပိၵ်ႉသမ်ႉဝႃႈ ဢိုတ်းႁပ်းဝႆႉ ဢိၼ်ႇထိူဝ်ႇၼႅတ်ႉ သၢႆၼႅင်ႈလူၵ်ႈ တင်းမိူင်းသေတ လွင်ႈၼႄၵၢင်ၸႂ်တႄႉ ဢမ်ႇၵိုတ်းယိုတ်းၵႂႃႇ။

သိုၵ်းၽၢႆႇႁူမ်ႇလူမ်ႈၶဝ်တႄႉ ပၼ်သတိဝႆႉဝႃႈ ယႃႇပေပူၼ်ႉလိူဝ်မႃး ဢွင်ႈတီႈ ဢၼ်ႁႄႉႁၢမ်ႈဝႆႉၼႆယူႇ။ ၽၢႆႇသိုၵ်းတႄႉ ပၼ်ၵႂၢမ်းမၼ်ႈဝႆႉဝႃႈ တေၵႅတ်ႇၶႄ ႁေႃႁိူၼ်းၵူၼ်းမိူင်း ဢိၵ်ႇ ၸိူဝ်းပဵၼ်တီႈယမ်လႄႈ ဝၢၼ်ႈမိူင်းၵႂႃႇၼႆယဝ်ႉ။ ၽၢႆႇမေႃယႃၶဝ် တီႈႁူင်းယႃတီႈၼိုင်ႈတႄႉၵေႃႈ လၢတ်ႈဝႃႈ ၵူၼ်းမၢတ်ႇၸဵပ်း တဵမ်ဝႆႉ တီႈႁူင်းယႃၶဝ်ၼႆယူႇ။ သိုဝ်ႇၶၢဝ်ႇမၢင်ၸိူဝ်းဢွၵ်ႇဝႃႈ ၵူၼ်းၼႄၵၢင်ၸႂ်ၸိူဝ်းဢၼ်ၺႃးယိုဝ်းတၢႆၼၼ်ႉ မီးမႃး 200 ၵေႃႉလိူဝ်ၼႆယဝ်ႉ။

ၸွမ်ပွင်ၸိုင်ႈ တေႃႇၼႄႇထရမ်ႉ ၵႆႉၵႆႉ လွၵ်ႇငိူတ်ႈမႃး ⁠ၼႂ်းၶၢဝ်းတၢင်း လၢႆဝၼ်းပူၼ်ႉမႃးၼၼ်ႉ ဝႃႈ တေၶဝ်ႈၵႄႈၵၢင်ၼႆသေ ပၼ်ၾၢင်ႉ ၽူႈဢုပ်ႉပိူင်ႇ ဢီႇရၢၼ်းၶဝ် ယႃႇပေၸႂ်ႉဢဵၼ်ႁႅင်း တေႃႇၵူၼ်းၼႄၵၢင်ၸႂ်ၶဝ်။ မိူဝ်ႈဝၼ်းသဝ်ၼၼ်ႉ ထရမ်ႉ လၢတ်ႈဝႃႈ ဢမႄႇရိၵၢၼ်ႇ ၸုၵ်းမၼ်ႈဝႆႉ “ႁၢင်ႈႁႅၼ်းတႃႇတေၸွႆႈထႅမ်” ၼႆယဝ်ႉ။

ငိူၼ်ႈငဝ်ႈၶၢဝ်ႇ

ToI Staff. "Exiled Iranian prince calls on protesters to ‘prepare to seize and hold city centers’" — The Times of Israel, January 10, 2026
Joy Pillai. "Exiled Crown Prince Reza Pahlavi tells protesters to remain on streets, says Khamenei sees you as enemies" — india.com, January 11, 2026
Anushree Jonko. "Son Of Ousted Iran Shah Urges Protesters To 'Prepare To Seize' City Centres" — NDTV, January 10, 2026