Jump to content

မုၼ်ၸဝ်ႈၽူပ်ႉ ၾရၼ်ႇသိသ်ႉ လွၼ်ႇၵႂႃႇယဝ်ႉ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ ဢေႇပရႄႇ 21၊ 2025

ပၢင်မႃႇသႃႇ မုၼ်ၸဝ်ႈၽူပ်ႉ ၾရၼ်ႇသိသ်ႉ

မုၼ်ၸဝ်ႈၽူပ်ႉ ၾရၼ်ႇသိသ်ႉ ဢၼ်ပဵၼ် ၸဝ်ႈငမ်းပၢႆးလူင် သႃႇသၼႃႇၶရိတ်ႉ ပႃးထူၼ်ႈ 266 ၼၼ်ႉ လႆႈလွၼ်ႇၵႂႃႇ မိူဝ်ႈၼႆႉ လိူၼ်ဢေႇပရႄႇ 21 ၵႃႈတီႈႁေႃလူင် ဝႃႇတီႇၵၼ်ႇ ၼႆ ၽၢႆႇဝႃႇတီႇၵၼ်ႇ လႆႈပိုၼ်ၽၢဝ်ႇဝႆႉၼင်ႇၼႆ။

မၼ်းၸဝ်ႈ လႆႈလူႉသဵင်ႈသုတ်းမုၼ်ၵႂႃႇ မိူဝ်ႈဢႃႇယု 88 ပီ ၽွင်းတိုၵ်ႉလိုဝ်ႈႁိူဝ်ႉလိုဝ်ႈၸႂ် တႃႇတေၶႅၼ်းၶိုၼ်း တီႈတၢင်းပဵၼ်ပွတ်ႇ (ၼမူဝ်းၼီးယႃး) ဢၼ်ၸပ်းတီႈပွတ်ႇတင်းသွင်ၽၢႆႇၼၼ်ႉယဝ်ႉ။

မိူဝ်ႈၾႅပ်ႇဝႃႇရီႇ 14 ဝၼ်းၼၼ်ႉ လႆႈၶိုၼ်ႈႁူင်းယႃ ပွၵ်ႈ႞သေ ဝၢႆးၼၼ်ႉ မွၵ်ႈလၢႆမိၼိတ်ႉၵူၺ်း လႆႈလူင်းႁူင်းယႃၵႂႃႇ။ မေႃယႃၶဝ် ပၼ်တၢင်းႁၼ်ထိုင်ဝႃႈ ႁႂ်ႈမၼ်းၸဝ်ႈ ယူႇဝႆႉတီႈ ႁေႃဝႃႇတီႇၵၼ်ႇသေ လိုဝ်ႈသဝ်း။

မုၼ်ၸဝ်ႈၽူပ်ႉ ၾရၢၼ်သိသ်ႉ လႆႈႁၢပ်ႇၵၢၼ် ၽူႈဢွၼ်ႁူဝ် သႃႇသၼႃႇၶရိတ်ႉ မီးမႃး မွၵ်ႈ 12 ပီႁိမ်းႁွမ်းၼႆႉယဝ်ႉ။

မိူဝ်ႈဢႃႇယု 21 ပီၼၼ်ႉ လႆႈဢဝ်ဢွၵ်ႇ ပွတ်ႇမၼ်း ပွတ်းၼိုင်ႈလႄႈ ႁဵတ်းႁႂ်ႈ မၼ်းၸၢင်ႈၸပ်းတၢင်းပဵၼ် ငၢႆႈငၢႆႈ ၸိူင်ႉၼင်ႇၼႆယဝ်ႉ။

ၵႅမ်ၸွမ်ၸိုင်ႈ မိူင်းဢမႄႇရိၵၢၼ်ႇ J.D.Vance ပိုၼ်ၽၢဝ်ႇဝႃႈ တိုၵ်ႉလႆႈႁူႉလွင်ႈ မုၼ်ၸဝ်ႈၽူပ်ႉ လႆႈလွၼ်ႇၵႂႃႇၼၼ်ႉၵူၺ်း ၼႆယဝ်ႉ။

ၵႅမ်ၸွမ်ပွင်ၸိုင်ႈ J.D.Vance လၢတ်ႈဝႃႈ “ၵဝ်ၶႃႈ ဢိၵ်ႇပႃး ၵူၼ်းၸၢဝ်းၶရိတ်ႉယၢၼ်ႇ ဢၢၼ်ႇႁူဝ်လၢၼ်ႉမၼ်း ၼႂ်းလုမ်ႈၾႃႉ ၸိူဝ်းႁၵ်ႉသႃ မုၼ်ၸဝ်ႈၽူပ်ႉၼၼ်ႉ တမ်ႇၼွႆႉမွင်ၸႂ်ၸွမ်းတႄႉတႄႉ“ ဝႃႈၼႆ။

Vance ႁွတ်ႈၽႅဝ် ဝဵင်းရူမ်း မိူဝ်ႈဝၼ်းသုၵ်းၼၼ်ႉသေ ႁူပ်ႉထူပ်း ၽူႈမီးပုၼ်ႈၽွၼ်း ဝႃႇတီႇၵၼ်ႇ မိူဝ်ႈဝၼ်းသဝ်ၼၼ်ႉယဝ်ႉ။

မၼ်းလႆႈႁူပ်ႉထူပ်း မုၼ်ၸဝ်ႈၽူပ်ႉ သုၼ်ႇတူဝ် ၵမ်းဢွၼ်ႇၼိုင်ႈ။

ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=မုၼ်ၸဝ်ႈၽူပ်ႉ_ၾရၼ်ႇသိသ်ႉ_လွၼ်ႇၵႂႃႇယဝ်ႉ&oldid=11530"