Jump to content

မီးလွင်ႈယိုဝ်း တီႈႁိမ်းပၢင်လဵၼ်ႈၵွပ်ႉၾ် ၸွမ်ပွင်ၸိုင်ႈၵဝ်ႇထရမ်ႉ

ထႅမ်သႂ်ႇ လိင်ႉၶ်
လုၵ်ႉတီႈ ဝီႇၶီႇၶၢဝ်ႇ မႃး

ဝၼ်းၸၼ်၊ သႅပ်ႇ​ထႅမ်ႇပႃႇ 16၊ 2024

ၽူႈထၢင်ႇထိူမ် ဢၼ်ယိုဝ်း ၸုမ်းၵွပ်ႉၾ် ၵူႈမိူင်းမိူင်း ထရမ်ႉ လႆႈထုၵ်ႇၸၼ်ဢွၵ်ႇၶၢင်ႈတၢင်း

ၽူႈတႅၼ်းၽွင်း ၸွမ်ပွင်ၸိုင်ႈ ရီႇပၢပ်ႉပလိၵ်ႇၵႅၼ်ႇ တေႃႇၼႄႇထရမ်ႉ လႆႈႁၼ် မၼ်းလဵၼ်ႈၵွပ်ႉၾ် တီႈႁူင်းလဵၼ်ႈၵွပ်ႉၾ် တီႈဝဵင်း West Palm Beach ၸႄႈမိူင်း Florida သေ ၸုမ်းႁူမ်ႇလူမ်ႈ ၸၼ်ႉသုင် ၽၢႆႇႁူမ်ႇလူမ်ႈ ၸၼ်ႉသုင်ဢမႄႇရိၵၢၼ်ႇ လႆႈႁၼ် ၵူၼ်းၸၢႆးၵေႃႉ႞ ယိပ်းၵွင်ႈဝႆႉ ၼႆလႄႈ လႆႈမီးလွင်ႈယိုဝ်းမႃး ဝႃႈၼႆယဝ်ႉ။

ၽူႈမီးပုၼ်ႈၽွၼ်း ၽၢႆႇႁူမ်ႇလူမ်ႈၶဝ်တႄႉ လၢတ်ႈဝႃႈ ၸွမ်ပွင်ၸိုင်ႈၵဝ်ႇ ထရမ်ႉၼႆႉ လွတ်ႈၽေးလီယူႇၼႆသေ လႆႈပဵၼ်ၵႂႃႇ လၵ်းၸဵင်ၶၢဝ်းယၢမ်း ဢမႄႇရိၵၢၼ်ႇ မိူဝ်ႈဝၼ်းဢႃးတိတ်ႉၼၼ်ႉၼႆယဝ်ႉ။ ဝၢႆးသေ ၵူၼ်းယိပ်းၵွင်ႈၼၼ်ႉ လႅၼ်ႈၽႃႇၺႃး ၵႃး SUV ယဝ်ႉ လႆႈထုၵ်ႇၸဝ်ႈၼႃႈတီႈ ၽၢႆႇႁူမ်ႇလူမ်ႈ ၼႂ်းပိုၼ်ႉတီႈ တီႉၵမ်လႆႈ တီႈဝဵင်းႁိမ်းႁွမ်းၼၼ်ႉ။ ၽိူဝ်ႇႁၼ် ၵူၼ်းဢၼ်ထၢင်ႇထိူမ်ဝႃႈ ပဵၼ်ၵူၼ်းယိပ်းၵွင်ႈၼၼ်ႉ ၸဝ်ႈၼႃႈတီႈ ၽၢႆႇႁူမ်ႇလူမ်ႈၸၼ်ႉသုင်ၶဝ် ပိုတ်ႇၵွင်ႈယိုဝ်းသေတႃႉ ၵူၼ်းယိပ်းၵွင်ႈၽၢႆႇပုၼ်ႉၼၼ်ႉ ၸွင်ႇတၼ်းယိုဝ်းၶိုၼ်းႁိုဝ် ဢမ်ႇယိုဝ်းလႆႈ ဢၼ်ဝႃႈၼၼ်ႉတႄႉ ဢမ်ႇပႆႇလႆႈႁူႉ ၸႅင်ႈလႅင်း ဝႃႈၼႆယဝ်ႉ။ ၽူႈမီးပုၼ်ႈၽွၼ်း ၽၢႆႇႁူမ်ႇလူမ်ႈၶဝ် လၢတ်ႈတီႈပၢင်သပ်းၸႅင်ႈၶၢဝ်ႇဝႃႈ တီႈႁိမ်းပၢင်ႇလဵၼ်ႈၵွပ်ႉၾ်ၼၼ်ႉ လႆႈႁၼ် ၵွင်ႈသႅၼ်း AK-47 လဝ်း႞ ၼႆယဝ်ႉ။

လွင်ႈၼႆႉ ၸုမ်း FBI ၶဝ် တိုၵ်ႉၵူတ်ႇထတ်းတူၺ်းဝႃႈ ၸွင်ႇပဵၼ် လွင်ႈၽႅၼ်ၵၢၼ် တႃႇတေၶႃႈႁႅမ်တၢႆ ၸွမ်ပွင်ၸိုင်ႈၵဝ်ႇ ထရမ်ႉႁိုဝ်ၼႆယဝ်ႉ။ ႁူင်းလဵၼ်ႈၵွပ်ႉၾ်ၼႆႉ ယၢၼ်ၵႆၵၼ်တင်း ႁေႃႁိူၼ်းလူင် ထရမ်ႉ ဢၼ်ပဵၼ် Mar-a-Lago ၼၼ်ႉ မွၵ်ႈသွင်သၢမ်လၵ်းၵူၺ်း ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

[မႄးထတ်း | မႄးထတ်းငဝ်ႈငႃႇ]
ဢဝ်ၶိုၼ်းမႃးတီႈ "https://shn.wikinews.org/w/index.php?title=မီးလွင်ႈယိုဝ်း_တီႈႁိမ်းပၢင်လဵၼ်ႈၵွပ်ႉၾ်_ၸွမ်ပွင်ၸိုင်ႈၵဝ်ႇထရမ်ႉ&oldid=9183"