ပၢင်ၽိုၵ်းၽွၼ်ႉ လွင်ႈဝီႇၶီႇမီႇတီႇယႃႇ တီႈၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီး
ဝၼ်းၸၼ်၊ တီႇသႅမ်ႇပႃႇ 8၊ 2025
ၼင်ႇႁိုဝ် တေမေႃၸွႆႈႁဵတ်းသၢင်ႈ ၼႃႈၵၢၼ်ဝီႇၶီႇၵႂႃႇလႆႈ ၵႂၢင်ႈၵႂၢင်ႈၶႂၢင်ၶႂၢင်လႄႈ မီးၶေႃႈမုၼ်း တူဝ်လိၵ်ႈတႆး မၢၼ်ႇမႅၼ်ႈၼၼ်ႉ တၢင်တူဝ်ၸုမ်း SIIT သေ ၸဝ်ႈသြႃႇသုၶမ်းလႄႈ ၸၢႆးမွၼ်းၶမ်း (ၼမ်ႉလၼ်ႈ) မႃးသပ်းလႅင်း သိုပ်ႇမိုတ်ႈပၼ် လွင်ႈဝီႇၶီႇတမ်ႈတီႈ ႁွင်ႈပၢင်ၵုမ်ၵူႈမိူင်းမိူင်းၵမ်ႇပေႃးၸ (KBZ International Meeting Hall) ၸၼ်ႉၸွမ်ပုတ်ႉထမိူင်းတႆး -SSBU ၼၼ်ႉယဝ်ႉ။
ၵၢင်ၼႂ် 8 မွင်း လွတ်ႈၼမေႃးတသ်သ သၢမ်ၵမ်းပိုတ်ႇပၢင်၊ ၸဝ်ႈသြႃႇသုၶမ်း လၢတ်ႈၶေႃႈပိုတ်ႇပၢင် ၵဵဝ်ႇလူၺ်ႈ ၼႃႈၵၢၼ်တူဝ်လိၵ်ႈ ၻီႇၵျီႇတႃႇ တေပဵၼ်ၵၢၼ်လမ်ႇလွင်ႈ ပုၼ်ႈတႃႇ ဢၢႆႇထီႇ ဢိၵ်ႇ ဢေႇဢၢႆႇ AI ၼၼ်ႉသေ တိုၵ်းသူၼ်း ႁႂ်ႈလႆႈမေႃၸႂ်ႉတိုဝ်း ဝီႇၶီႇၵႂႃႇယူႇ။
သိုပ်ႇၼၼ်ႉ ၸၢႆးမွၼ်းၶမ်း သိုပ်ႇလၢတ်ႈၼႄ လွင်ႈဝီႇၶီႇမီႇတီႇယႃႇၾွင်ႇတေးသျိၼ်းၵႂႃႇ။ လၢတ်ႈၼႄ ဝီႇၶီႇဢၼ်ၽႃႇသႃႇတႆး လႆႈဝႆႉ 5 ဢၼ်
- ဝီႇၶီႇၽီးတီးယႃး - Wikipedia
- ဝိၵ်ႉသျိၼ်ႇၼရီႇ - Witionary
- ဝီႇၶီႇဝွႆးဢဵတ်ႇꩡ် - Wikivoyage
- ဝီႇၶီႇပပ်ႉ - Wikibooks
- ဝီႇၶီႇၶၢဝ်ႇ - Wikinews
- ဝီႇၶီႇၶွမ်ႇမွၼ်း - Commons Wikimedia
- ဝီႇၶီႇတေႇတႃႇ - Wikidata ၸိူဝ်းၼႆႉယဝ်ႉ။
သိုပ်ႇသပ်းလႅင်းၼႄ လွင်ႈဝီႇၶီႇတေႇတႃႇ Wikidata ဢၼ်လမ်ႇလွင်ႈ တႃႇဢဝ်တူဝ်လိၵ်ႈ လၢႆလၢႆၶိူဝ်း မႃးၵွင်ႉၵၼ်။ လၢတ်ႈပႃးထႅင်ႈ လွင်ႈ ဝီႇၶီႇၶွမ်ႇမွၼ်း Wiki Commons ဢၼ်ပဵၼ်တီႈ ဢဝ်ၸႂ်ႉၶႅပ်းႁၢင်ႈ ဢၼ်တၢင်ႇၶႅပ်းႁၢင်ႈၼၼ်ႉသေ ၵိုတ်းလိုဝ်ႈ ၶၢဝ်းပၢင်သွၼ်ပွတ်းၼႂ်ၵႂႃႇ။
ဝၢႆးဝၼ်း 1:00 မွင်း ၶိုၼ်းမႄးသိုပ်ႇပၢင်သွၼ်ၵႂႃႇသေ ၸၢႆးမွၼ်းၶမ်း သိုပ်ႇသပ်းလႅင်းပၼ် လၢႆးၶဝ်ႈႁဵတ်းဢၶွင်ႉဝီႇၶီႇ တီႈ Meta-Wiki၊ လၢႆးၶဝ်ႈတူၺ်း ဝီႇၶီႇပီးတီးယႃး ဢိၵ်ႇလၢႆးတႅမ်ႈ လၢႆးထတ်းၵႂႃႇယဝ်ႉ။ ဝၢႆးဝၼ်း 4:00 မွင်း ၵိုတ်းလိုဝ်ႈပၢင်သွၼ်ၵႂႃႇ ပုၼ်ႈတႃႇဝၼ်းထိၼိုင်ႈၵႂႃႇယဝ်ႉ။
ႁွင်ႈၼႄပၢႆးမွၼ်း
ၶႅပ်းႁၢင်ႈမၢႆတွင်း ၵေႃၵၢၼ်ဢၢႆႇထီႇတႆး ၸတ်းႁဵတ်း ပၢင်ၽိုၵ်းၽွၼ်ႉ လွင်ႈဝီႇၶီႇမီႇတီႇယႃႇ တီႈၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီး
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]
