ပွႆးလူင်းပၢင်သွၼ် ႁူင်းႁဵၼ်းသွၼ်ဢိင်းၵလဵတ်ႈ ဝၢၼ်ႈလူင်မု ပွၵ်ႈၵမ်း 14
ဝၼ်းၽတ်း၊ ၸုၼ်ႇ 12၊ 2025
ၸႄႈဝဵင်းတၢင်ႉယၢၼ်း ဢိူင်ႇႁူဝ်မၢင်း ဝၢၼ်ႈလူင်မု တီႈႁူင်းႁဵၼ်းသွၼ်ဢိင်းၵလဵတ်ႈ Long Mu School for English ၼၼ်ႉ ၶၢဝ်းယၢမ်း ၵၢင်ၼႂ် 9:00 တႄႇပိုတ်ႇပၢင်ၵႅဝ်ႈ ဢိုတ်းႁပ်းႁူင်းႁဵၼ်းၵႂႃႇယဝ်ႉ။
ၽူႈပူၵ်းပွင် သႃႇသၼႃႇသၼ်လွႆ ၸဝ်ႈသြႃႇသုၶမ်း ဢွၼ်လွတ်ႈႁေႃး "ၼမေႃတသ်သ" သၢမ်ၵမ်းပိုတ်ႇပၢင်၊ ပၼ်ၶေႃႈဢေႃးဝႃႇတပိုတ်ႇပၢင်ၵႂႃႇယဝ်ႉ တၢင်တူဝ် လုၵ်ႈႁဵၼ်းၸိူဝ်းလူင်းပၢင်သွၼ် ၸုပ်ႈ 14 သေ 229 ၵေႃႉသေ လုၵ်ႈႁဵၼ်းသင်ၶႃႇၸဝ်ႈပႃးၼိုင်ႈ ဢဝ်ၵႂၢမ်းတႆး၊ လုၵ်ႈႁဵၼ်း ၼၢင်းယိင်းၵေႃႉၼိုင်ႈ ဢဝ်ၵႂၢမ်းဢိင်းၵလဵတ်ႈ လၢတ်ႈၵႂၢမ်းႁူမ်ၸူမ်းၶွပ်ႈၸႂ်ၵႂႃႇယဝ်ႉ။
သိုပ်ႇသေၼၼ်ႉ သိုပ်ႇပၼ်ၽိုၼ်မႂ်ဢွင်ႇ လႄႈ တွၼ်ႈသူး လုၵ်ႈႁဵၼ်းသင်ႇၶႃႇ၊ ယိင်ႈၸၢႆး 229 ၵေႃႉ ၸိူဝ်းလူင်းပၢင်သွၼ်ၵႂႃႇယဝ်ႉ။
ႁူင်းႁဵၼ်းသွၼ်ဢင်းၵိတ်ႉ ဝၢၼ်ႈလူင်မု Long Mu School for English ၼႆႉ ၸဝ်ႈၶူးမိၼ်ႇတၵ (ၽူႈလႆႈႁပ်ႉၸုမ်ႈ ၸဝ်ႈၼၢင်းသုၸၼ်ႇတီႇ) တႄႇပိုတ်ႇၽုၺ်ႇ မိူဝ်ႈပီ 2017။ ပူင်သွၼ်ပၼ် ၽႃႇသႃႇဢင်းၵိတ်ႉပဵၼ် ပိူင်လူင်၊ ပူင်သွၼ်ပႃး ၶွမ်း၊ လွင်ႈယဵပ်ႉၶူဝ်း၊ ပၢႆးၼပ်ႉ၊ ပိုၼ်း၊ Programming, Java ၸိူဝ်းၼႆႉသေဢမ်ႇၵႃး Online ၵေႃႈၶဝ်ႈလဵပ်ႈႁဵၼ်းပႃး GED လႄႈ World Street English ယဝ်ႉ။
ၶၢဝ်းယၢမ်းပၢင်သွၼ်ႁိုင် 6 လိူၼ်သေ ႁပ်ႉလုၵ်ႈႁဵၼ် ၼိုင်ႈပီ 2 ၸုပ်ႈ။ ပီၵၢၼ်ႁဵၼ်း 2025 ၼႆႉ လုၵ်ႈႁဵၼ်းဢၼ်တိုၵ်ႉသိုပ်ႇၶိုၼ်ႈ ၸုပ်ႈ 15 မီး 300 ပၢႆ။
ႁွင်ႈၼႄပၢႆးမွၼ်း
ၶႅပ်းႁၢင်ႈမၢႆတွင်း ပွႆးလူင်းပၢင်သွၼ် ႁူင်းႁဵၼ်းသွၼ်ဢိင်းၵလဵတ်ႈ ဝၢၼ်ႈလူင်မု ပွၵ်ႈၵမ်း 14
