ပွႆးယၢတ်ႇၼမ်ႉ ဝတ်ႉသၼ်ႇတိသုၶ ၵျွင်းပရႁိတထုင်ႉမၢဝ်း မၢၼ်ႈႁဵဝ်း
ဝၼ်းၸၼ်၊ မေႇ 12၊ 2025
ၵျွင်းပရႁိတထုင်ႉမၢဝ်း ဢၼ်မီးဝႆႉၼႂ်းၸႄႈတွၼ်ႈမူႇၸႄႈ ဢိူင်ႇ 19 ဝၢၼ်ႈ မၢၼ်ႈႁဵဝ်းၼၼ်ႉ ၸဝ်ႈၶူးတွၵ်ႇတိူဝ်ႇတေႇဝိၼ်ႇတ ပိုတ်ႇၽုၺ်ပဵၼ် ႁူင်းႁဵၼ်းပၢႆးပၺ်ႇၺႃႇၵျွင်းမုၼ်ၸဝ်ႈဝႆႉယဝ်ႉ။ ႁူင်းႁဵၼ်းၶၢဝ်းမႆႈၼႆႉၵေႃႈ လုၵ်ႈႁဵၼ်းမႃးၶိုၼ်ႈႁဵၼ်း မီး 200 ပၢႆ။
ယွၼ်ႉပႆႇမီးၵျွင်းသဝ်းသင်ႇၶႃႇလႄႈ ၽူႈဢုပ်ႉပိူင်ႇၸႄႈတွၼ်ႈမူႇၸႄႈ ဢူးဢွင်ႇၸေႃႇမူဝ်း ဢွၼ်ႁူဝ်ၸဝ်ႈတႃႇၼ 25 ၵေႃႉသေ ႁဵတ်းလူႇပၼ် ၵျွင်းသဝ်းသင်ႇၶႃႇၸဝ်ႈ လင်ၼိုင်ႈ ဢၼ်ၸိုဝ်ႈဝႃႈ သၼ်ႇတိသုၶၼၼ်ႉယဝ်ႉ။
12.5.2025 ၼႂ်ၼႆႉ ၸဝ်ႈၶူးတွၵ်ႇတိူဝ်ႇတေႇဝိၼ်ႇတ ပၢင်းဢဝ် သင်ႇၶႃႇၼႂ်းတူင်ႇထုင်ႉမၢဝ်း 23 ၵျွင်း၊ ၽိတ်ႈမွၵ်ႇ ၸဝ်ႈတႃႇၼၸမ်ၵႆ ဢွၼ်ၵၼ်မႃး လူႇတၢၼ်းယၢတ်ႇၼမ်ႉၵႂႃႇ ၸွမ်းၼင်ႇၶပ်ႉမၢႆ တီႈတႂ်ႈၼႆႉယဝ်ႉ။
ဢွၼ်တၢင်းသုတ်း ဢွၼ်ၵၼ်လွတ်ႈႁေႃး ၼမေႃးတသ်သ သၢမ်ပွၵ်ႈသေ ပိုတ်ႇပၢင်လူႇတၢၼ်း၊ ပရိသတ်ႈ ၵၼ်ႇတေႃးရတၼႃႇသၢမ်ၸဝ်ႈ ႁပ်ႉဢဝ်သိၼ်ႁႃႈ တမ်ႈတီႈ ႁူဝ်ပဝ်ႈသင်ႇၶၸႄႈဝဵင်း ၸဝ်ႈသြႃႇၸၼ်ႇတႃႇဝရ (မႁႃသၻ်ꩪမ်မၸေႃတိၵꩪꩡ) ၵျွင်းၵွင်းမူးလွႆယဝ်ႉ ထွမ်ႇပရိတ်ႈတြႃး၊ ထွမ်ႇတြႃးတမ်ႈတီႈ ၸဝ်ႈသြႃႇသုၶမ်း (ဢၷ်ၷမႁႃၵမ်မꩦ်ꩧႃၼႃၸရိ) ဝတ်ႉလွႆတိုင်ၶမ် မူႇၸႄႈသေ ႁူမ်ႈၵၼ်ယၢတ်ႉၼမ်ႉၵႂႃႇယဝ်ႉ။
