ပူဝ်ႇလႅၼ်ႇ ၽႅၼ်ၵၢၼ် ႁၢမ်ႈ လုၵ်ႈဢွၼ်ႇ ဢႃႇယု 16 လူင်းတႂ်ႈ ၸႂ်ႉၾူၼ်းမိုဝ်းထိုဝ် ၼႂ်းႁူင်းႁဵၼ်း
ဝၼ်းပုတ်ႉ၊ မၢတ်ႉၶျ် 18၊ 2026
_(Wikinews).jpg)
ၽွင်းလူင်ပၢႆးပၺ်ႇၺႃႇ လၢတ်ႈဝႃႈ တႄႇဢဝ် လိူၼ်သႅပ်ႇထႅမ်ႇပႃႇ 1 ဝၼ်း မိူင်းပူဝ်ႇလႅၼ်ႇ မီးၽႅၼ်ၵၢၼ် တႃႇတေႁၢမ်ႈတၢပ်ႈ လုၵ်ႈဢွၼ်ႇ ဢႃႇယု 16 လူင်းတႂ်ႈ ၸႂ်ႉတိုဝ်းၾူၼ်းမိုဝ်းထိုဝ် ၼႂ်းႁူင်းႁဵၼ်းၼႆသေ လႆႈၶဝ်ႈပႃးၼႂ်းသဵၼ်ႈမၢႆ ၸိုင်ႈမိူင်း ဢၼ်တူင်ႉၼိုင် ႁၢမ်ႈတၢပ်ႈ ၶၢဝ်းယၢမ်း လုၵ်ႈဢွၼ်ႇ တူၺ်းၽူင်း လႄႈ ၸႂ်ႉတိုဝ်း ၼႅင်ႈသိုဝ်ႇတူင်ႇဝူင်းၵူၼ်း ဢၼ်ၼမ်မႃးတိၵ်းတိၵ်းၼၼ်ႉယဝ်ႉ။
မိူင်းၸိူဝ်းပႃးၸဵမ် မိူင်းၼႄႇတႃႇလႅၼ်ႇ၊ ၵၢဝ်းလီၸၢၼ်း လႄႈ ဢီႇတႃႇလီႇ ၸိူဝ်းႁၢမ်ႈတၢပ်ႈ လွင်ႈၸႂ်ႉတိုဝ်း ၾူၼ်းမိုဝ်းထိုဝ် ၼႂ်းႁူင်းႁဵၼ်း ယွၼ်ႉပိူဝ်ႈ မီးလွင်ႈမႆႈၸႂ်ၼိူဝ် ၽွၼ်းယွၼ်ႈ လွင်ႈၸႂ်ၼိမ် လႄႈ တၢင်းယၢမ်ႈ။ ဢၼ်လႆႈႁၢမ်ႈတၢပ်ႈ - ဢမ်ႇၼၼ်ဝူၼ်ႉတႃႇႁၢမ်ႈတၢပ်ႈ - လွင်ႈလုၵ်ႈဢွၼ်ႇၶဝ် ၶဝ်ႈတူၺ်း ၼိူဝ်သိုဝ်ႇတူင်ႇဝူင်းၵူၼ်းၼၼ်ႉယူႇ။
ပႃႇပႃႇရႃႇ ၼူဝ်ႇဝႃႇၵႃႇ လၢတ်ႈတီႈၽူႈသိုဝ်ႇၶၢဝ်ႇၶဝ်ဝႃႈ “ယၢမ်းလဵဝ် ႁဝ်းၶႃႈ တိုၵ်ႉႁဵတ်းသၢင်ႈ ၵၢၼ်လႅၵ်ႈလၢႆႈ မၢႆမီႈ ဢၼ်လမ်ႇလွင်ႈ တႃႇႁူင်းႁဵၼ်း ဢၼ်တေႁဵတ်းႁႂ်ႈ ႁၢမ်ႈတၢပ်ႈ လွင်ႈၸႂ်ႉတိုဝ်း ၾူၼ်းမိုဝ်းထိုဝ် ၼႂ်းႁူင်းႁဵၼ်းၸၼ်ႉငဝ်ႈ တႄႇဢဝ် ဝၼ်းတီႈ 1/9/2026 ၼၼ်ႉယူႇ” ၼႆယဝ်ႉ။ တီႈမိူင်းပူဝ်ႇလႅၼ်ႇၼႆႉ လုၵ်ႈဢွၼ်ႇဢႃႇယု 7-15 ပီ ၶိုၼ်ႈႁူင်းႁဵၼ်းၸၼ်ႉငဝ်ႈ။
ၼူဝ်ႇဝႃႇၵႃႇ လၢတ်ႈဝႃႈ ၸႂ်ႉတိုဝ်းၾူၼ်း တီႈႁူင်းႁဵၼ်း "ဢမ်ႇၸၢင်ႈပဵၼ် လၵ်းပိူင် ယွၼ်ႉႁဝ်းႁၼ်ဝႃႈ လုၵ်ႈဢွၼ်ႇၶဝ် လႆႈပိုင်ႈဢိင် ၼိူဝ် ဢိၼ်ႇတႃႇၼႅတ်ႉ ၸိူင်ႉႁိုဝ်" ၼႆယဝ်ႉ။
မိူဝ်ႈလိူၼ်ၾႅပ်ႇဝႃႇရီႇၼၼ်ႉ ၼူဝ်ႇဝႃႇၵႃႇ လႆႈတမ်းဝၢင်းၽႅၼ်ၵၢၼ် တႃႇတေႁၢမ်ႈတၢပ်ႈ လုၵ်ႈဢွၼ်ႇ ဢႃႇယု 15 လူင်းတႂ်ႈ ဢမ်ႇႁႂ်ႈၸႂ်ႉတိုဝ်း ၼႅင်ႈသိုဝ်ႇတူင်ႇဝူင်းၵူၼ်းသေ ပိုတ်ႇၽၵ်းတူ တႃႇတေၸၢင်ႈပဵၼ် လွင်ႈၽိတ်းမေႃးၵၼ်တင်း ၶွမ်ႇပၼီႇ ပၢႆးၸၢင်ႈလူင် မိူင်းဢမႄႇရိၵၢၼ်ႇၼၼ်ႉယဝ်ႉ။
ငိူၼ်ႈငဝ်ႈၶၢဝ်ႇ
[မႄးထတ်း | မႄးထတ်းငဝ်ႈငႃႇ]- Alan Charlish Editing by Gareth Jones. "Poland plans to ban mobile phone use by under-16s in schools" — reuters, March 18, 2026
- Aysel Mammadzada. "Poland to ban mobile phones for under-16s in schools" — news.az, March 18, 2026
