ပိုၼ်ၽၢဝ်ႇ သၢႆငၢႆ ၶိုၵ်ႉၶၵ်ႉ ၾႆးမႆႈပႃႇထိူၼ်ႇ တီႈၸႄႈမိူင်းၶႄႇလီႇၾူဝ်းၼီးယႃး

ဝၼ်းၽတ်း၊ ၸၼ်ႇဝႃႇရီႇ 9၊ 2025 

ၾႆးမႆႈပႃႇထိူၼ်ႇ တီႈၸႄႈမိူင်းၶႄႇလီႇၾူဝ်းၼီးယႃး

မိူဝ်ႈၶမ်ႈဝႃး ဝၼ်းပုတ်ႉၼၼ်ႉ ၾႆးမႆႈပႃႇ ဢၼ်မႆႈဝႆးဝႆး တီႈလွႆႁေႃးလီးဝုတ်ႉသေ ႁဵတ်းပဵၼ်လွင်ႈလွၵ်ႇငိူတ်ႈ ဢၼ်ပဵၼ် ဝဵင်းၸိုဝ်ႈသဵင်လိုဝ်းလင် ဢၼ်ၼိုင်ႈ Los Angeles သေ ယွၼ်ႉဝႃႈ ၽူႈၶႄၾႆးၶဝ် တိုၵ်းတေႃး တႃႇတေၵုမ်းထိင်းလႆႈ ၾႆးမႆႈလူင် ထႅင်ႈသၢမ်ဢၼ် ဢၼ်ႁဵတ်းႁႂ်ႈ ၵူၼ်းတၢႆ 5 ၵေႃႉ၊ ဢၼ်လႆႈၽူတ်ႇၸွႆႈၶၢႆႉၵူၼ်း 130,000 ႁႂ်ႈလွတ်ႈတီႈၽေး တႄႇဢဝ် ၽင်ႇပၢင်ႇလၢႆႇပၸိၾိၵ်ႉ တေႃႇထိုင် ၼႂ်းမိူင်းပႃႇသႃႇတီႇၼႃႇ။

ၸွမ်ပွင်ၸိုင်ႈ ၵျူဝ်းပၢႆႇတႅၼ်ႇ ပိုၼ်ၽၢဝ်ႇ လွင်ႈၶိုၵ်ႉၶၵ်ႉ လွင်ႈၾႆးမႆႈပႃႇ တီႈ ၸႄႈမိူင်းၶႄႇလီႇၾူဝ်းၼီးယႃးၼၼ်ႉလႄႈ တေပၼ် ၶူဝ်းၶွင် လႄႈ ငိုၼ်းၵၢင်ၵၢင် တႃႇၽဵဝ်ႈမူၺ်ႉ ၾႆးမႆႈပႃႇ ၼၼ်ႉယဝ်ႉ။

ၸွမ်ပွင်ၸိုင်ႈပၼ်ၽၢင်ႉဝႃႈ တွၼ်ႈတႃႇ လွင်ႈပူၵ်းပွင် ပိုၼ်ႉတီႈၼႆႉတႄႉ တေလႆႈၸႂ်ႉၶၢဝ်းယၢမ်းယူႇ ဝႃႈၼႆႉ။ ႁွင်ႈၵၢၼ်ၽၢႆႇၶႄၾႆး ​ႄၸႄႈမိူင်း Los Angeles ၼႆႉ လႆႈၽဵဝ်ႈမူၺ်ႉ ၾႆးမႆႈပႃႇထိူၼ်ႇ ဢၼ်မီးၽႄးဢသၢၵ်ႈ 4 ဢၼ်သေ ၵူၼ်းတၢႆ ဢမ်ႇယွမ်း 2 ၵေႃႉ ၼႆယဝ်ႉ။ ႁူင်းႁေႃ 1,000 လိူဝ် လႆႈလူႉၵွႆသေ ၵူၼ်းမိူင်းၼပ်ႉႁူဝ်မိုၼ်ႇ လႆႈၶၢႆႉတီႈယူႇ ၼႆယဝ်ႉ။

ၽူႈၵွၼ်း ၽၢႆႇၶႄၾႆး ၸႄႈမိူင်း Los Angeles လၢတ်ႈဝႃႈ ႁွင်ႈၵၢၼ် ၽၢႆႇၶႄၾႆး ၸႄႈမိူင်း Los Angeles ၶဝ် လႆႈႁၢင်ႈႁႅၼ်းဝႆႉ တႃႇတေ ၾႆးမႆႈပႃႇထိူၼ်ႇ မွၵ်ႈ ၼိုင်ႈဢၼ် ဢမ်ႇၼၼ် သွင်ဢၼ်သေ ပိူင်လူင်မၼ်းတႄႉ တႃႇၼႂ်းငဝ်းလၢႆး ၶၢဝ်း လူမ်းႁႅင်း လႄႈ ၶၢဝ်းႁႅင်ႈႁွင် ၸိူဝ်းၼႆႉ ၼႆယဝ်ႉ။

မၼ်းလၢတ်ႈဝႃႈ လႆႈမႆႈၵႂႃႇ 2,000 ႁႅၵ်ႇတႃႇ လိူဝ်လႄႈ ၾႆးတိုၵ်ႉသိုပ်ႇလၢမ်းမႆႈယူႇ ဝႃႈၼႆ။

လိူဝ်ၼၼ်ႉ မၼ်းၸၢႆးလၢတ်ႈဝႃႈ ၾႆးမႆႈပႃႇၼႆႉ ဢမ်ႇပႆႇၵုမ်းၵမ်လႆႈ ဝႃႈၼႆ။ ၵူၼ်းမိူင်း ႁႂ်ႈတိုဝ်းၵမ်ၸွမ်းၶေႃႈၸီႉသင်ႇ တႃႇႁႂ်ႈဢွၵ်ႇပၢႆႈ၊ ၽူႈမီးပုၼ်ႈၽွၼ်းၶဝ်ၵေႃႈ ပၼ်ၾၢင်ႉဝႆႉဝႃႈ ႁႂ်ႈဢွၵ်ႇပၢႆႈ ၸွမ်းၼင်ႇ ၶေႃႈၸီႉသင်ႇ ဝႃႈၼႆယဝ်ႉ။

ငိူၼ်ႈငဝ်ႈၶၢဝ်ႇ

• The White House. "President Joseph R. Biden, Jr. Approves California Major Disaster Declaration" — The White House, January 08, 2025
• VOA News. "Biden signs emergency declaration for California wildfires" — VOA News, January 08, 2025