တေႁပ်ႉၵူၼ်းသၼ်လွႆပဵၼ်ၵူၼ်းမိူင်းထႆး

ဝၼ်းဢႃးတိတ်ႉ၊ ၸုၼ်ႇ 29၊ 2025 

ၸၢဝ်းၵူၼ်းသၼ်လွႆ မိူင်းထႆး

ၸွမ်ၽွင်းလူင်မိူင်းထႆး သျိၼ်ၼဝတ်ႉ လၢတ်ႈၼိူဝ်သိုဝ်ႇၶၢဝ်ႇ သုၼ်ႇတူဝ်မၼ်းဝႃႈ တႃႇတေမၵ်းမၼ်ႈၵူၼ်းသၼ်လွႆ ၶျၢဝ်းၶဝ် ဢဝ်ပဵၼ်ၵူၼ်းမိူင်းထႆးၼၼ်ႉ တေၸတ်းၵၢၼ်ၵႂႃႇ ၼႂ်းၶၢဝ်းတၢင်း 5 ဝၼ်းၼႆ မၼ်းၼၢင်းလၢတ်ႈၵႂႃႇ မိူဝ်ႈလိူၼ်ၸုၼ်ႇ 28 ဝၼ်းၼၼ်ႉယဝ်ႉ။

ၵႃႈၵွၼ်ႇတွၼ်းဢွၼ် လွင်ႈၵူတ်ႇထတ်း တႃႇတေႁပ်ႉပဵၼ်ၵူၼ်းမိူင်းထႆးၼၼ်ႉ လႆႈၸိူင်ႉႁိုင်ၼၢၼ်းမႃးသေတ ဝၢႆးသေ ပၢင်ၵုမ် ၸုမ်းလူင်ပွင်ၸိုင်ႈထႆး တႅပ်းတတ်း မၵ်းမၼ်ႈၵႂႃႇယဝ်ႉ မၼ်းၼၢင်းၸင်ႇလၢတ်ႈသမ်ႉၶိုၼ်း ၼင်ႇၼႆ။ ၼႃႈၵၢၼ်ဢၼ်ၼႆႉ တေတႄႇၵႂႃႇ လိူၼ်ၸုၼ်ႇ 30 ဝၼ်းၼႆယဝ်ႉ။

ၸွမ်ၽွင်းလူင်မိူင်းထႆး လၢတ်ႈဝႃႈ "တႃႇတေလႆႈပဵၼ်ၵူၼ်းမိူင်းထႆး ဢၼ်ၸၢဝ်းပီႈၸၢဝ်းၼွင်ႉႁဝ်းၶဝ် လႆႈပႂ်ႉမႃး ပီယၢဝ်းၶၢဝ်းႁိုင်ယူႇၼၼ်ႉ ၶႃႈႁဝ်း ဢဝ်မုၼ်ႁပ်ႉတွၼ်ႈ ဢွၼ်ႈၸႂ်ယူႇၶႃႈ။ ပၼ်ႁႃလူင်ဢၼ်ၼႆႉ ၸမ်တေၶွတ်ႇယွတ်ႈၵႂႃႇယူႇဢေႃႈ" ၼႆယဝ်ႉ။

ၵပ်းၵၢႆႇလူၺ်ႈ ၼႃႈၵၢၼ်ဢၼ်ၼႆႉ ပေႃႈမႄႈ ၵူၼ်းမိူင်း ၸိူဝ်းမီးလၵ်းထၢၼ် ၶဝ်ႈမႃးယူႇၼႂ်းမိူဝ်းထႆး ၸဵမ်မိူဝ်ႈပႆႇထိုင် ပီ 1999 ၼၼ်ႉ ၸဵမ်ပေႃႈမႄႈ ၸဵမ်လုၵ်ႈလၢင်းၶဝ် တေလႆႈၶဝ်ႈပဵၼ်ၵူၼ်းမိူင်းထႆးၵႂႃႇယူႇ။ ဢၼ်လႆႈသဵၼ်ႈမၢႆမၼ်း ပွၵ်ႈၼႆႉတႄႉ မီးဝႆႉ 48,000 ၵေႃႉလိူဝ်လိူဝ်။ မိူဝ်ႈသိုၼ်း ၸွမ်ၽွင်းလူင် မိူင်းထႆး ႁွတ်ႈထိုင် ၸႄႈတွၼ်ႈၵဵင်းႁၢႆးသေ လႆႈဢဝ် မႂ်ၵပ်းတူဝ်ၵူၼ်းၵိုၵ်းမိူင်း ၼွပ်ႇပၼ်ဝႆႉ တႃႇၸၢဝ်းဢႃးၶႃႇ 21 ၵေႃႉယဝ်ႉ။

ငိူၼ်ႈငဝ်ႈၶၢဝ်ႇ

• The Nation. "Ethnic minorities to gain Thai nationality in just 5 days, starting June 30" — The Nation, JUNE 28, 2025
• Bangkok Post. "'Delighted' PM hands out national ID cards to minority ethnic groups" — Bangkok Post, JUNE 29, 2025