တူၼ်ၶူးၸဝ်ႈသုၶမ်း ၽူႈပွင်ၵၢၼ်သႃႇသၼႃႇသၼ်လွႆ လႆႈၸတ်းႁဵတ်း ဝၼ်းၵိူတ်ႇ
ဝၼ်းပုတ်ႉ၊ မေႇ 28၊ 2025
လိူၼ်မေႇ 26 ဝၼ်းၼႆႉ ၶဝ်ႈပဵၼ် ဝၼ်းၵိူတ်ႇ ၸဝ်ႈသြႃႇသုၶမ်း ၽူႈပွင်ၵၢၼ်သႃႇသၼႃႇသၼ်လွႆသေ လႆႈၸတ်းႁဵတ်း ဝၼ်းၵိူတ်ႇၸဝ်ႈၵႂႃႇ တီႈဝဵင်းတၢင်ႉယၢၼ်း ၵျွင်းဢူမုၼ်ထမ်းႁူမ်ႈသႃႇၵႂႃႇ ၼင်ႇၶပ်ႉမၢႆတီႈတႂ်ႈၼႆႉယဝ်ႉ။
ၵၢင်ၼႂ်ၸဝ်ႉ 5:00 မူင်း လူႇသွမ်းၽြႃးပဵၼ်ၸဝ်ႈ လူၺ်ႈဝၼ်းၵိူတ်ႇ 64 ပီတဵမ်သေ ၵၢပ်ႈသွမ်းၼႂ် လူႇတၢၼ်းပၼ် လုၵ်ႈႁဵၼ်းၸဝ်ႈသၢင်ႇ 222 ၸဝ်ႈၵႂႃႇ။
ၵၢင်ၼႂ် 8:00 မူင်းပၢႆပၢႆ ၸဝ်ႈတႃႇၼထၢပ်ႈၵၢမ်ႇယေႃးမုၼ် 16 ႁိူၼ်း ၶၢမ်ႇႁဵတ်းပဵၼ်ၸဝ်ႈတႃႇၼ ၶူဝ်းၶွင်သီႇပိူင် လႆႈပၢင်းဢဝ် ၸဝ်ႈရႁၢၼ်း 170 လိူဝ် ႁူမ်ႈၶဝ်ႈသိမ်ႇဝႅင်းထမ်း ဢူမုၼ်ထမ်းႁူမ်ႈသႃႇ ႁဵတ်းပုၼေႃပသမ်ပၻႃႇ ပၼ်ၸဝ်ႈသြႃႇသုၶမ်းသေ ဝၢႆးဢွၵ်ႇသိမ်ႇ တၵႃႇတင်းၼမ်ၸမ်ၵႆ ဢွၼ်ၵၼ် လူႇတၢၼ်းၽွင်းဢွၵ်ႇသိမ်ႇယဝ်ႉ။
ၵၢင်ၼႂ် 9:00 မွင်း မၢႆတွင်းဝၼ်းၵိူတ်ႇ ၸဝ်ႈသြႃႇသုၶမ်း 64 ပီတဵမ်သေ ပိုတ်ႇႁွင်ႈၼႄပိုၼ်း ဢူမုၼ်ထမ်းႁူမ်ႈသႃႇၵႂႃႇ။
ၵၢင်ၼႂ် 10:30 မူင်း တႄႇၵၢပ်ႈသွမ်းဝၼ်း ၸႃႇၵလဵင်ႉလူ ပီႈၼွင်ႉၸိူဝ်းမႃးပွႆးသေ ၶၢဝ်းယၢမ်းၵၢင်ဝၼ်း 12:00 မူင်းပၢႆ တီႈၵျွင်းၽြႃးလူင်မႁႃႇမုၼိ တၢင်ႉယၢၼ်း တႄႇပၢင်ၵႅဝ်ႈ ၼွပ်ႇယိုၼ်ႈပၼ် မႂ်ဢွင်ႇၸဝ်ႈသၢင်ႇ ၸိူဝ်းဢွင်ႇပူၼ်ႉ ပၢင်တွပ်ႇလိၵ်ႈ ပရိယတ်တိသၻ်ꩪမ်မပႃလ (လၵ်းသုတ်ႇမႂ်ႇ) ပီၵၢၼ်ႁဵၼ်း 2024/2025 ၵႂႃႇလႄႈ လႆႈပၢင်းဢဝ် ၸဝ်ႈသၢင်ႇ 300 ပၢႆ ၸိူဝ်းဢွင်ႇ A Star ၸိူဝ်းၼၼ်ႉ မႃးၶိုၼ်ႈႁပ်ႉဢဝ် မႂ်ဢွင်ႇယဝ်ႉ။ ဝၢႆးၼၼ်ႈ သိုပ်ႇႁဵတ်း ပၢင်လူႇတၢၼ်း ဝၼ်းၵိူတ်ႇ ၸဝ်ႈသြႃႇသုၶမ်း ဢႃႇယု 64 ပီ ယဝ်ႉတူဝ်ႈၵႂႃႇ ၶၢဝ်းယၢမ်း 3:00 ၼၼ်ႉယဝ်ႉ။
မၢႆတွင်းဝၼ်းၵိူတ်ႇသေ ၸဝ်ႈသြႃႇသုၶမ်း လူႇတၢၼ်းၵႂႃႇ-
(1) လူႇတႃႇပၢႆးပၺ်ႇၺႃႇ ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး 100 သႅၼ်ၵျၢပ်ႈ
(2) လူႇတႃႇလုမ်းငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး တီႈပၢင်လူင် ပွၵ်ႈၵမ်းသွင် 65 သႅၼ်ၵျၢပ်ႈ
(3) လူႇတႃႇၼႃႈၵၢၼ်ပၢႆးပၺ်ႇၺႃႇ တူင်ႇဝဵင်းတၢင်ႉယၢၼ်း ၵွင်ထုၼ်းၸဝ်ႈမၢဝ်းလူင် 100 သႅၼ်ၵျၢပ်ႈ
(4) လူႇပၺ်ႇၺႃႇပႃႇရမီႇတႃႇလုၵ်ႈႁဵၼ်းသင်ႇၶတႆး တီႈသီႇႁူဝ်ႇ 10,000 တေႃႇလႃႇ
(5) လူႇပၼ်ၸုမ်း Dana Sri Lanka Association 5,000 တေႃႇလႃႇ
(6) လူႇၸဝ်ႈသၢင်ႇ 222 ပႃး 2,220,000 ၵျၢပ်ႈ
(7) လူႇၸဝ်ႈရႁၢၼ်း ဢၼ်ပၢင်းမႃး 175 ၸဝ်ႈ 17,500,000 ၵျၢပ်ႈ ဝႃႈၼႆယဝ်ႉ။
